AZ
RU
.jpg)
.jpg)
Kəlbəcərli girovların növbəti “məhkəmə prosesi” keçiriləcək
Xankəndidə saxlanılan kəlbəcərli girovlarımızın apelyasiya şikayətinin baxılma vaxtı müəyyən olunub.
"Xeberinfo.com": Məlumata görə, doğma yurdlarını ziyarətə gedərkən qanunsuz həbs olunan Şahbaz Quliyev, Dilqəm Əsgərovun “məhkəmə prosesi” fevralın 26-na təyin olunub.
Qeyd edək ki, yaxınlarının məzarını ziyarət etmək üçün doğma kəndlərinə getmiş Şahbaz Quliyev, Dilqəm Əsgərov ötən ilin iyul ayının 11-də Kəlbəcərdə girov düşüb. Həsən Həsənov isə saxlanılarkən öldürülüb.
Ermənilər saxlanılan şəxsləri diversant kimi təqdim edir. Xankəndində Dilqəm Əsgərov və Şahbaz Quliyev üzərində “məhkəmə” qurulub.
Dekabrın 29-da Xankəndidə girovlarımızla bağlı keçirilən son “məhkəmə” iclasında Anadolu Tadevosyanın hakimilyi altında “hökm” oxunub.
“Məhkəmə”nin qərarıyla Dilqəm Əsgərova ömürlük həbs cəzası verilib. Şahbaz Quliyev isə 22 il müddətinə azadlıqdan məhrum edilib.
.png)
.jpg)
