Avropa Birliyi (AB) Ukraynanın müstəqilliyi, ərazi bütövlüyü və suverenliyi məsələsində güzəştə getməyəcək. Avropa Birliyi və ABŞ ukraynalıları müdafiə eləmək üçün çiyin-çiyinə durmaqda davam eləməlidirlər. 

"Xeberinfo.com":  Məlumata görə, Musavat.com-un xarici KİV-ə istinadən verdiyi məlumata görə, belə bir açıqlamanı Avropa Birliyinin başçısı Donald Tusk Brüsseldə ABŞ-ın vitse-prezidenti Co Baydenlə görüşü zamanı verib.
“Ukraynada vəziyyət gündən-günə pisləşir. Yaxın dostlar və tərəfdaşlar kimi AB və ABŞ öz səylərini koordinasiya eləməklə Rusiyaya təzyiqləri lazım olan qədər uzun müddətə davam etdirməlidirlər. Biz təcavüzün heç bir formasını, xüsusən də bir dövlətin başqa dövlətə qarşı təcavüzünü qəbul eləmirik. Biz Ukraynanın ərazi bütövlüyü, suverenliyi və müstəqilliyi məsələsində hər hansı güzəştə gedə bilmərik”, – deyə o, qeyd edib.
“Biz olduqca kritik an yaşayırıq. Elə bu gün Putin rəsmən Krımın ilhaqını bəyan edib. Təəssüf ki, hazırda situasiya daha dramatikdir, nəinki 11 ay qabaq” – əlavə edib siyasətçi.