AZ
RU
Ölkəmizdə siqaret və spirtli içkilər bahalaşacaq
Siqaret və spirtli içkilərin qiymətində bir neçə dəfəyədək bahalaşma gözlənilir
"Xeberinfo.com": Məlumata görə, buna səbəb Milli Məclisdə bu məhsullara tətbiq olunan aksiz dərəcələrinin yüksəldilməsidir. Bəs, bu dəyişiklik hansı zərurətdən yarandı və qiymətlərdə özünü necə hiss etdirəcək?
Siqaret və spirtli içkilərin qiyməti iki dəfəyədək bahalaşa bilər. Çünki parlament həmin məhsullara tətbiq ediləcək aksiz dərəcələrinin yüksəldilməsi haqqında qərarı təsdiq edib. Dəyişikliyə görə spirtli içkilərin ayrı-ayrı növləri üzrə tutulan aksiz vergisi dərəcələri əvvəlki ilə müqayisədə 2-12 dəfə arasında artırılıb. Siqaretlərdə isə indiyədək ümumi məbləğə hesablaan 12.5 faizlik aksiz dərəcəsi indi saya görə hesablanacaaq. Millət vəkili Vahid Əhmədov aksiz dərəcələrinin yüksəldilməsinin bazarda qiymət artımı ilə müşayət olunacağı fikrindədir.
Millət vəkili bildirir ki, əslində aksiz dərəcələrindəki bu dəyişiklik çoxdan edilməli idi. Çünki, bu artım Azərbaycanın Dünya Ticarət Təşkilatına üzvlüyü yolunda atmalı olduğu addımlardan biridir.
Qiymətlərin qalxmasından sonra bu zərərli vərdişlərin nisbətən də olsa tərk ediləcəyi gözlənilir.(Xəzər Xəbər)
