AZ
RU
Gənc siyasi məhbusa hökm oxundu
Əsabəli Mustafayev: “Hökmü alan kimi apellyasiya şikayəti verəcəyik”
"Xeberinfo.com": Oktyabrın 15-də Binəqədi Rayon Məhkəməsində gənc siyasi məhbus Orxan Əyyubzadənin məhkəmə prosesi keçirilib. Prosesdə gənc fəalın yaxınları və dostları iştirak ediblər. Məhkəmənin hökmü ilə gənc fəal 2 il müddətinə azadlıqdan məhrum edilib.
Bu barədə musavat.com-a Orxan Əyyubzadənin vəkili Əsabəli Mustafayev məlumat verib: “Məhkəmə prosesində vəkilin çıxışı oldu. Ardınca Orxan Əyyubzadə son sözünü dedi. Məhkəmə müşavirə otağına yollandı. Daha sonra hökm oxundu. Hökmə görə, Orxan təqsirli bilinib, iki il müddətinə azadlıqdan məhrum edildi. Hökmü alan kimi apellyasiya şikayəti verəcəyik. Avropa Məhkəməsinə qədər işi aparacağıq”.
Qeyd edək ki, Orxan Əyyubzadə bu il mayın 6-da NİDA-çılara oxunan hökmə etiraz etdiyinə görə Bakı Ağır Cinayətlər Məhkəməsinin önündə həbs edilərək, 20 sutka inzibati həbs cəzası alıb.
Lakin mayın 26-da cəza müddəti bitən gənc fəal azadlığa buraxılmamışdı. O, Binəqədi Rayon Məhkəməsinə aparılaraq, barəsində 315.1 maddəsi ilə (hakimiyyət nümayəndəsinə müqavimət göstərmə) cinayət işi açılmışdı.
