AZ
RU
“Günəşdən təhlükə gözlənilir”
“Günəşdə aktivliyin pik dövrü başa çatsa da, 2014-cü ildə təhlükələr gözlənilir
"Xeberinfo.com": Hazırda Günəş aktivliyinin 11 illik dövrünün pik nöqtəsində olmasa da, təhlükə tam aradan qalxmayıb. Çünki Günəş fəallığı pik həddinə 3-4 ildə çatdığı halda aktivliyin azalması daha uzun müddət, yəni 7 ilə qədər davam edir. Buna görə də 2014-cü və hətta 2015-ci ildə də Günəşdən təhlükələr gözləniləndir”.
Bunu İnterpress.az-a N.Tusi adına Şamaxı Astrofizika Rəsədxanasının Günəş və Günəş-Yer şöbəsinin müdiri Namiq Cəlilov deyib.
Şöbə müdirinin sözlərinə görə, son bir həftə ərzində aparılan müşahidələr Günəşdə fəallığın olmadığını göstərir: “Ancaq bu o demək deyil ki, fəallıq bundan sonra da hiss edilməyəcək. 2014-cü ildə də Günəşdən təhlükə gözlənilir. Partlayışların baş verəcəyi təqdirdə bunun Yerə necə təsir edəcəyi barədə əvvəlcədən NASA mütəxəssisləri tərəfindən xəbərdarlıq olunacaq”.
.jpg)
