AZ
RU
Faiq Əmirlinin və Fuad Əhmədlinin həbs müddəti artırıldı:3 ay
Nəsimi Rayon Məhkəməsində Azərbaycan Xalq Cəbhəsi Partiyası (AXCP) sədrinin köməkçisi, “Azadlıq” qəzetinin yayım direktoru Faiq Əmirov barəsində seçilmiş həbs qətimkan tədbirinin və istintaqın müddətinin uzadılması barədə təqdimata baxılıb.
Yenixeber.org: Hakim Şəlalə Həsənovun sədrliyi ilə keçirilən prosesdə onun barəsində seçilmiş həbs qətimkan tədbiri və istintaqın müddəti üç ay uzadıb.
Faiq Əmirov barəsində həbs qətimkan tədbiri ilk dəfə ötən il avqustun 22-də Nəsimi rayon Məhkəməsi tərəfindən seçilib. Sonradan həmin müddət bir dəfə artırılıb.
Bu gün Nəsimi Rayon Məhkəməsi Azərbaycan Xalq Cəbhəsi Partiyasının fəalı Fuad Əhmədlinin həbs müddətini daha üç aylığa uzadıb.
Prosesə hakim Şəlalə Həsənova sədrlik edib.
F.Əhmədli avqustun 18-də saxlanıb. O Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1-ci (vəzifə səlahiyyətlərindən sui-istifadə) maddələri ilə ittiham irəli sürülüb.(Azadliq.info)
.jpg)
