AZ
RU
Kəmalə Bənənyarlı münaqişə yaratdı
Tural Abbaslının saatlarla qandalda saxlandığı və hazırda təkadamlıq kameraya salındığı barədə xəbərlər yayılıb
"xeberinfo.com": Mayın 6-da Bakı Ağır Cinayətlər Məhkəməsinin önündə NİDA-çılara oxunan hökmə etiraz etdiyinə görə saxlanılan və Nəsimi Rayon Məhkəməsinin qərarı ilə 15 sutka inzibati həbs cəzası alan Müsavat Partiyasının Divan üzvü Tural Abbaslının təkadamlıq kameraya salındığı barədə xəbərlər yayılıb.
Yayılan xəbərlərdə Tural Abbaslının cəzalandırılmasına səbəb kimi, AXCP üzvü Kəmalə Bənənyarlının səhhətinin pisləşməsi, onun bununla bağlı Təcili Tibbi Yardım maşınının çağırılmasını tələb etməsi göstərilir. Tural Abbaslının əvvəlcə qandallandığı, ardıncasa təkadamlıq kameraya salındığı və hazırda hələ də orada olduğu bildirilir.
Başxanım Abbaslı bildirib ki, təcridxanada Kəmalə Bənəniyarlı ilə bağlı nəzarətçilərlə münaqişə yaranması barədə xəbər doğrudur: “Turalın karserə salınması barədə xəbəri mən də eşitdim. Ombudsman Aparatının şöbə müdiri Vüqar Məhərrəmovla əlaqə saxladım. O, Turalın karserə salınması barədə xəbərin doğru olmadığını bildirdi, amma Kəmalə ilə bağlı təcridxanada davanın düşdüyünü təsdiqlədi. Amma bu məlumatın nə dərəcədə doğru olduğunu deyə bilmərəm. Bundan əlavə elə bir məlumatım yoxdur. Çünki görüşə icazə verilmir. Telefon əlaqəsi də məhdudlaşdırılıb”.
