Xeberinfo.com:   Bu barədə “Yeni Şafak” qəzeti yazıb.

Qəzetin mənbələrinin məlumatına görə, Ərdoğanın təyyarəsinə hücum prezident Dalamandan (Ərdoğan ora Mərmərədə istirahətdən sonra gəlmişdi-red.) İstanbula uçarkən səmada reallaşdırılmalı idi. Lakin Dalamandakı Ərdoğana sadiq hərbi qarnizonun komandiri Murat Səlcuq Çol prezidentin təyyarəsini təcili təhlükəsizlik tədbirləri şəraitində enişə hazırlayıb. Belə ki, üsyançıların aviasiyasının enməsinin qarşısını almaq üçün uçuş-enmə zolağındakı bütün işəqlar söndürülüb. Prezidentin laynerinə isə Turkish Airlines aviaşirkətinin mülki təyyarəsi kimi adi kod verilib.

Ərdoğanın təyyarəsi İstanbula yaxınlaşarkən ölkənin şimal-qərbindəki Balıkəsir rayonunda üsyançıların nəzarəti altında olan F-16 qırıcılarının manevrlərinə görə təhlükəsizliyi təmin etmək üçün marşrutu dəyişib və yarım saat ərzində Bandırma şəhəri- Mərmərə dənizi üzərində dövrə vurub.

Bosfor boğazından gələn və "hava-hava" raket ilə prezident təyyarəsini vurmalı olan F-16 qırıcısı atəş üçün əlverişli məqam seçdiyi anda yanacağı qurtarıb və o, yanacaq doldurmaq üçün geri qayıtmaq məcburiyyətində qalıb.

Nəşr yazır ki, qırıcı elə havadaca yanacaq doldurandan sonra hücuma hazır olanda isə Ərdoğanın təyyarəsi İstanbulda artıq eniş etmişdi...