AZ
RU
Vəli Ələsgərovun məhkəməsi başlayıb
Bu gün Naxçıvan Hərbi Məhkəməsində sabiq milli təhlükəsizlik naziri Vəli Ələsgərovun cinayət işi üzrə məhkəmənin hazırlıq iclası olub.
Xeberinfo.com: Bu barədə vəkil Vüqar Xasayev məlumat verib. O, bildirib ki, prosesdə Vəli Ələsgərovun anket məlumatları dəqiqləşdirilib.
Vəkil prosesdə vəsatətlə çıxış edib. O, cinayət işinin materialları tanış olmadığını bildirib. Və bunun üçün də hakimdən vaxt istəyib. Vəsatət təmin edilməyib.
Məhkəmə baxışı iyunun 13-ə təyin edilib.
Qeyd edək ki, V. Ələsgərov 15 il Naxçıvan Muxtar Respublikasının milli təhlükəsizlik naziri vəzifəsində çalışıb. O, vəzifə səlahiyyətlərini aşmaqda, dövlət əmlakını talamaqda və digər cinayətlərdə ittiham olunur. V. Ələsgərov bir müddət əvvəl Naxçıvanda həbs edilib. Daha sonra barəsində seçilmiş həbs qətimkan tədbiri ev dustaqlığı ilə əvəz edilib. Daha sonra onun barəsində yenidən həbs qətimkan tədbiri seçilib. (lent.az)
