"AtaBank" ASC keçmiş işçisi maliyyə maxinasiyaları və məhkəmə qalmaqalına görə İsveçrəyə gedir.

Xeberinfo.com:  Dünən "AtaBank" ASC -nin keçmiş İdarə Heyətinin üzvü Elnur Osmanovla bankdan hansı səbəbvgt vəzifəsindən uzaqlaşdırılması ilə bağlı məlumat vermişdik. Həmin məlumatda qeyd etmişdik ki, Elnur Osmanovun bankdakı qaranlıq əməlləri artıq "AtaBank" ASC-nin hazırkı rəhbərliyinə məlum olub. Məhz buna görə də keçmiş bank işçisi haqqında prokurorluğa müraciət edilə bilər.

AzFakt.com-a daxil olan məlumata görə, Elnur Osmanov hazırda ciddi təlaş içindədir və o, ölkəni tərk etmək istəyir. Məlumat verən mənbə iddia edir ki, keçmiş bank işçisi gizli şəkildə Avropaya getməyə çalışır. Elnur Qasımov hətta bütün əmlakanı qardaşının və digər yaxınlarının adına rəsmiləşdirir. 

Məlumat verən mənbə bildirir ki, Elnur Osmanov İsveçrəyə getməyi və vəziyyət düzələnə qədər orda qalmağı planlaşdırır. Həmçinin bildirilir ki, onun qardaşı Cavid Osmanov hazırda İsveçrədə təhsil alır. Digər qardaşı Elmir Osmanovun isə "AtaBank" ASC-nin Nəsimi filialında müdir müavini işlədiyi deyilir. 

Bbaşqa bir məlumata görə isə Elnur Osmanov indiyədək hərbi xidmətdə olmayıb. Onun hərbi xidmətdən yayınmasına Göyçay rayon Hərbi Komisarlığı yadım edib. Sabiq "AtaBank" rəsmisi Hərbi Komissarlıq rəhbərliyinə yaxşı "hörmət" edib və bunun qarşılığında ona hərbi bilet verilib. 

Məsələ ilə bağlı araşdırmamız davam edir və yaxın günlərdə Elnur Osmanovun "AtaBank" ASC-də işlədiyi dövrdə bankın etimadından istifadə edərək necə milyonçuya çevrilməsi və keçmiş millət vəkillərindən kimin ona dəstək verməsi, həmçinin Göyçaydakı tədris kursunu hansı səbəbə görə maliyyələşdirməsi ilə bağlı məsələlərə aydınlıq gətirəcəyik. Bizi izləməkdə davam edin...