Onlar «qara kassa»dan yayınmaqda şübhəli bilinirlər

Xeberinfo.com:   Yaxın vaxtlarda bəzi oliqarx məmurların həbsinə start verilə bilər. Bu barədə redaksiyamıza daxil olan məlumatda deyilir ki, hakimiyyətin zirvəsində onların “qara kassa”dan pul gizlətdikləri barədə şübhələr var və hazırda bu istiqamətdə ciddi araşdırma aparılır.

Məlumatı verən mənbə bildirir ki, siqaret və spirtli içkilərin kartla satışının arxasında da məhz bu amil dayanır: “Bir müddət əvvəl spirtli içkilərin topdan və pərakəndə satışının kartla həyata keçirilməsi barədə qərar verildi. Lakin az sonra bu qərar ləğv edildi. Spirtli içkilər bazarına nəzarət edən oliqarxlar faktiki olaraq güc gəldi. Bu günlərdə isə spirtli içkilərin və siqaretin topdansatışının kartla həyata keçirilməsi barədə qərar verilib. Bunun ardınca Dövlət Gömrük Komitəsi məlumat yayıb ki, aksiz vergiləri 80 faiz azalıb. Beləliklə, aydın olur ki, siqaret və spirtlik içkilər bazarına nəzarət edən oliqarxlar milyonlar qazansalar da, faktiki olaraq vergi ödəmirlər. Eyni zamanda ”qara kassa”dan pul gizlədirlər. “Indi hökumət siqaret və spirtli içkilərin topdansatışının kartla həyata keçirilməsi həm oliqarxların nə qədər qazandıqlarını müəyyənləşdirməyə çalışır. Bu prosesin isə həbslərlə nəticələnəcəyi istisna deyil”.

Azadliq.info