AZ
RU
.jpg)
Əli Kərimlinin müşavirinə 3 il iş kəsildi
Bu gün Nərimanov rayon Məhkəməsində AXCP sədrinin həbsdə olan müşaviri Məmməd İbrahim haqqında hökm elan olunub. Hakim Turqay Hüseynovun verdiyi hökmlə o, 3 il azadlıqdan məhrum edilib.
Xeberinfo.com: Məmməd İbrahim bir müddət əvvəl AXCP-dən ayrılmış Mikayıl Quliyevin şikayəti əsasında sentyabrın 30-da həbs olunub. Mikayıl Quliyevi vurmaqda ittiham olunan Məmməd İbrahimə CM-in 221.1-ci (xuliqanlıq) maddəsi ilə ittiham irəli sürülüb. Bir müddət sonra daha iki nəfər – Oruc Vəliyev və Məhəmməd Qurbanov da şikayət verərək bildiriblər ki, insident zamanı Məmməd İbrahim onları da vurub. Bundan sonra Məmməd İbrahimə ittiham maddəsi ağırlaşdırılıb və CM-in 221.2.2-ci maddəsinə tövsif olunub. Bu maddə iki ilədək islah işləri və ya beş ilədək həbs cəzası nəzərdə tutur.
Məmməd İbrahim ittihamı qəbul etmir və həbsinin siyasi sifariş olduğunu bildirir. Onun vəkili apellyasiya şikayəti verəcəklərini bildirib.
