AZ
RU
Ziyalılar Birliyinin sədri özünü güllələdi
"xeberinfo.com": Salyandakı mənbələrdən əldə etdiyimiz məlumata görə, hadisə martın 16-da günorta saatlarında baş verib. Salyan Ziyalılar Birliyinin sədri Qulam Sadıqov yaşadığı evdə özünü ov tüfəngi ilə güllələyib. O, ürəyinə atəş açıb.
Xəbərdə deyilir ki, 1946-cı il təvəllüdlü Qulam Sadıqov həm də Salyan Rayon Təhsil Şöbəsinin keçmiş müdiri idi. Rayonda kifayət qədər nüfuzu və hörməti olan Qulam Sadıqov Azərbaycan Yazıçılar Birliyinin üzvü, bir neçə kitabın müəllifi idi.
Qulam Sadıqovun intiharının səbəblərinə gəlincə isə intihara səbəb kimi onun ağır xəstəliyi göstərilir. Mərhumun başında şiş varmış və buna görə iki il qabaq əməliyyat da olunubmuş.
.jpg)
