AZ
RU
.jpg)
Nəqliyyat Nazirliyində köklü islahatlar həyata keçirilir
Rövşən Məmmədov Avropa Oyunları zamanı baş verən avtoqəzanın qurbanına çevrilib
"Xeberinfo.com": Məlumata görə, Baku.ws xəbər verir ki, avqust ayının 3-də nazirlikdə keçirilən iclasdan sonra qurumda dəyişikliklərə start verilib.
İclasda Avropa Oyunları ərəfəsində şəhərdaxili sərnişindaşımada qeydə alınan bir çox qüsurlar müzakirə olunub. Əsasən sərnişin avtobuslarının iştirakı ilə qeydə alınan qəzalar müzakirə olunub.
Müzakirədən sonra Nəqliyya Nazirliyinin bir çox vəzifəli işçiləri buraxdıqları qüsurlara görə işdən qovulublar. Nazirliyin tərkibində Dövlət Avtomobil Nəqliyyatı Xidmətinin rəisi Hüseyn Salamov və 8 nəfər əməkdaş işdən qovulublar.
Qeyd edək ki, həmin görüşdə Dövlət Avtomobil Nəqliyyatı Xidmətinin rəis vəzifəsinə Elnur Abdullayev təyin olunmuşdu. İclasda işin keyfiyyətini yüksəltmək üçün lazımı qərarlar qəbul olunub.
Bu şəxslər Avropa Oyunları zamanı baş verən qəzalardan bir neçə gün sonra qovulublar. Bu barədə "Azadlıq" məlumat yayıb. İşdən çıxarılanlar arasında Ziya Məmmədovun qardaşı Loğman Məmmədovun oğlu Rövşən Məmmədov da var.
