AZ
RU
Azərbaycanda dəhşətli qəza
Bakı-Şamaxı yolunun 29-cu kilometrliyində 4 nəfərin ölümü , 7 nəfərin yaralanması ilə nəticələnən yol nəqliyyat hadisəsi baş verib.
"xeberinfo.com": Baş Dövlət Yol Polisi İdarəsində əldə etdiyimiz məlumata görə, "Vaz 21011", "Mitsubishi" və "Mercedes-Benz" markalı avtomobillərin toqquşması nəticəsində "Vaz 21011"in sürücüsü Bahadur İbadov, qızı Ceyran İbadova və 3 yaşlı nəvəsi Zəhra ölüb. Sürücünün yoldaşı Arifə İbadova və digər sərnişin Vidadi Novruzov ağır bədən xəsarətləri alıb.
"Merceds Benz"də olan sərnişin Gülşən Bibirova da aldığı ağır bədən xəsarətlərindən hadisə yerindəcə keçinib. Sürücü Nadir Şükürov, sərnişinlər Fəridə Əliyeva və Pirum Şamalova ağır yaralanıblar.
"Mitshubishi"nin sürücüsü Murad Həmidov və sərnişin Elşən Rüstəmov ağır bədən xəsarətləri alıblar. Yaralılar 1 saylı xəstəxanaya və Respublika Mərkəzi Klinik Xəstəxanasına çatdırılıblar.
.jpg)
