“Ermənistanın müdafiə naziri Seyran Ohanyanın boş və reallıqdan uzaq fikirləri beynəlxalq aləmdən təcrid olunmuş siyasi, hərbi və iqtisadi cəhətdən iflasa uğrayan Ermənistan xalqı üçün hesablanıb”.

"Xeberinfo.com":   Məlumata görə, bu barədə  Müdafiə Nazirliyinin mətbuat xidmətinin məlumatında bildirilib.   “Keçən ilin avqust ayında və bu ilin əvvəlində cəbhə bölgəsində Ermənistan ordusunun çoxsaylı itkiləri, meyitlərini maşınlarla daşımaları, yəqin ki, S.Ohanyanın yaddaşından silinib. Əgər bu belədirsə, Azərbaycan əsgəri yaxın vaxtlarda öz gücü və qüvvəsini bir daha ona göstərməklə bunu növbəti dəfə sübut edəcək”. Qeyd edək ki, Ermənistanın müdafiə naziri Sehran Ohanyan Azərbaycan hakimiyyətini hərbi ritorikadan çəkinməyə çağırıb: “Mən məsləhət görərdim ki Azərbaycan hakimiyyəti hərbi ritorikadan əl çəksin. Onlar daşı daş üstə qoymayacaqları ilə hədələyirlər. Hər şeyi kənara qoyub gəlib öz vətənpərvərliyini göstərərdilər. Onlar ciddi məsələlərlə məşğul olmaqdansa hədə-qorxu gəlməklə məşğuldurlar”. 

<p">