AZ
RU
Parlamentin iclaslarında iştirak etməyən deputatların maaşları kəsiləcək
Gürcüstan parlamentinin iclaslarında üzrsüz səbəblərdən iştirak etməyən deputatların əmək haqları kəsiləcək.
"Xeberinfo.com": Məlumata görə, bununla əlaqədar parlamentin prosedur məsələləri və hüquq komitəsi yeni qanun layihəsi hazırlayıb. Yeni dəyişikliklərə əsasən, deputatlar “ailə vəziyyətinə görə” iclaslardan artıq yayına bilməyəcəklər.
Deputatların iclaslarda iştirak etməmələri yalnız qanuni ezamiyyət və ya xəstəliklə əlaqədar olduqda üzrlü sayılacaq. Xəstəlik səbəbindən iclasa gəlməyən deputat, bununla əlaqədar parlament rəhbərliyinə müvafiq sənəd təqdim etməlidir. Deputatlar üzrsüz səbəbdən iştirak etmədikləri hər iclasa görə əmək haqqının 10 faizini itirəcək.
Qanunverici orqanın sədri David Usupaşvili bu il iclaslara ən çox gəlməyən 10 deputatın adlarını açıqlayıb. Siyahıya eks-prezident Mixeil Saakaşvilinin Vahid Milli Hərəkat Partiyasının deputatları başçılıq edirlər. İclaslara gəlməyən deputatlar arasında bitərəflər ikinci yerdədirlər.
