AZ
RU
Rusiya Bakı-Novorossiysk üzrə neft nəqli tarifini artırır
Rusiya Bakı-Novorossiysk boru kəməri üzrə neft nəqli tarifini 31 faiz artıra bilər.
"Xeberinfo.com": Trend-in məlumatına görə, bu barədə Regulation.gov.ru portalında yerləşdirilmiş Rusiyanın Tarif üzrə Federal Xidmətinin müvafiq fərman layihəsində deyilir.
Layihəyə görə, nəql üzrə tarif 149,95 rubl, yəni bir tona görə indiki 484,59-dan 634,54 rubladək artırıla bilər (ƏDV-siz).
Tarif Azərbaycan sərhədindən Şesxaris (Novorossiysk) yükboşaltma məntəqəsinədək olan marşrut üçün Rusiya rublu ilə hesablanıb.
Qeyd edək ki, SOCAR (Azərbaycan Respublikası Dövlət Neft Şirkəti) 2015-ci ilin yanvar-fevral aylarında Bakı-Novorossiysk şimal boru kəməri üzrə 254,31 min ton neft ixrac edib. Ötən ilin analoji dövründə bu göstərici 169,65 min ton olub.
