İki gün əvvəl Sumqayıt şəhərində kabel oğurluğuna görə polis tərəfindən saxlanılan şəhərin eyniadlı klubunun futbolçusu Nicar Muxtarov sərbəst buraxılıb.

Yenixeber.org xəbər verir ki, bu barədə “Futbol+” qəzetinin baş redaktoru Mahir Rüstəmli özünün feysbuk səhifəsində məlumat verib.

Onun sözlərinə görə, futbolçu hazırda azadlıqdadır. 

****

Daxili İşlər Nazirliyi oğurluğa görə tutulan futbolçu Nicat Muxtarovun sərbəst buraxılması barədə yayılan məlumatlara münasibət bildirib.
 
Nazirliyin mətbuat xidmətinin rəis müavini Orxan Mansurzadə APA-nın sorğusuna cavabında bildirib ki, sosial şəbəkələrdə və bəzi Kütləvi İnformasiya Vasitələrində Nicat Muxtarovun sərbəst buraxılması barədə yayılan informasiyalar həqiqəti əks etdirmir:
 
“Onun barəsində Sumqayıt Şəhər Polis İdarəsinin istintaq şöbəsində Cinayət Məcəlləsinin müvafiq maddəsi ilə cinayət işi başlanıb və o, təqsirləndirilən şəxs qismində istintaqa cəlb olunub. Hazırda Nicat Muxtarov istintaq tərəfindən dindirilir və sonra məhkəmə onun barəsində qətimkan tədbirinin seçilməsi barədə təqdimata baxacaq. Nicat Muxtarovun polis İdarəsindən buraxılması barədə yayılan məlumatlar yalandır”.

***

Yenixeber.org Lent.az-a istinadən xəbər verir ki, oğurluğa görə saxlanılan futbolçu Nicat Muxtarov barəsində həbs qətimkan tədbiri seçilib.

Sumqayıt şəhər Məhkəməsində hakim Vladimir Ruvinovun sədrliyi ilə keçirilən prosesdə istintaq orqanın təqdimatına baxılıb.

Təqdimat təmin edilib və təqsirləndirilən şəxslər barəsində 3 aylıq həbs qətimkan tədbiri seçilib.