Milli Məclisin bu gün keçirilən iclasında deputat, Mətbuat Şurasının sədri Əflatun Amaşov internet medianın statusunun müəyyənləşdirilməsi məsələsini qaldırıb.

Xeberinfo.com:   Modern.az saytının xəbərinə görə, deputat bildirib ki, domen və hostinq alan insanların bəziləri, internetdə istədiyini yazır.
Onun sözlərinə görə, bunları məhkəmə müstəvisində həll etmək çətindir .
“Gərək, söz azadlığı çərçivəsini aşmasınlar. Buna görə də, təklif edirəm ki, internet medianın hüquqi statusunu müəyyənləşdirmək lazımdır. Bununla yanaşı, onlayn mediaya dövlət tərəfindən maliyyə ayrılsa, bu, yaxşı olar”-deyə Əflatun Amaşov bildirib.

***

Millət vəkili Əflatun Amaşov tələbələrin təhsil haqqının ödənilməsi məsələsində yaşadığı çətinliklərdən danışıb.

“Qafqazinfo” xəbər verir ki, bu barədə tələbələr ona müraciət edib: “Bildirirlər ki, təhsil haqqını ödəyə bilmədiyinə görə təhsillərini davam etdirə bilmirlər. Çünki universitetlərdən onlardan təhsil haqqını birdəfəlik ödəməli olduqlarını deyirlər. Bu hal həm özəl, həm də dövlət ali təhsil müəssisələrində müşahidə olunur. Təklif edirəm ki, tələbələrin, onların ailələrinin vəziyyəti nəzərə alınsın. Onlar təhsil haqqını hissə -hissə ödəsinlər. “Təhsil haqqında” qanunda bu məsələ nəzərə alınmalıdır”.