AZ
RU
.jpg)
"İnternet resurslarının fəaliyətini tənzimləyən yeni qanuna ehtiyac var" -Əflatun Amaşov
Azərbaycan internet resursları, xüsusən də sosial şəbəkələri, bloqerlər fəaliyyətini tənzimləyən qanun layihəsinin hazırlanması təklif olunur.
Xeberinfo.com: Gununsesi.info xəbər verir ki, belə bir təşəbbüslə millət vəkili Əflatun Amaşov Milli Məclisin İnsan hüquqları komitəsinin bu gün keçirilən iclasında deyib. Onun sözlərinə görə, bu gün dünyada blogerlərlə bağlı fəaliyyəti başqa cür dəyərləndirilsə də, Azərbaycanda buna yanaşmada fərqli baxış var və onun fəaliyyətinin sərhədləri müəyən edilib: “Ona görə də internet resurslarının fəaliyətini tənzimləyən yeni qanuna ehtiyac var”.
Ə. Amaşovun bu təklifi digər millət vəkili Hikmət Babaoğlu da dəstələyib. O bildirib ki, bu sahədə qanunvericilik bazası baxımından dünyada çox az praktika var: “Artıq Türkiyədə də bununla bağlı qanunvericilik bazası hazırlanır. Əgər razılıq olarsa, Əflatun müəllimlə birgə belə bir qanunvericilik təşəbbüsü ilə çıxış edə bilərik”.
Məsləni dəstəkləyən Milli Məclisin Dövlət quruculuğu üzrə qanunvericilik şöbəsinin sektor müdiri Sarvan Sadıqov da bu təşəbbüsü dəstələyərək bildirib ki, bu sahədə xaos var. “Kim nə istəyir onu yazır. Odur ki, bu sahədə bir xaos hökm sürür. Ona görə də bu sahənin qanunla tənzimlənməsinə ciddi ehtiyac var”.
