AZ
RU
ABŞ Konqresinin Nümayəndələr Palatasının Kapitoliyə hücumu araşdıran komitəsi keçmiş prezident Donald Trampı ifadə verməyə çağırıb.
Yenixeber.org: Tramp konqresmenlərin qərarını tənqid edib.
Məlumata görə, oktyabrın 13-də komitənin növbəti iclası keçirilib. ABŞ-ın keçmiş prezidentinə çağırış vərəqəsinin göndərilməsinə komitə yekdilliklə səs verib. İclasda hücum zamanı çəkilmiş video da nümayiş etdirilib.
Bundan əlavə, görüş zamanı ABŞ xüsusi xidmətinin agentlərinin yazışmaları açıqlanıb.
Digər tərəfdən, Donald Tramp “Truth Social” sosial şəbəkəsində komitənin qərarını pisləyib və bunu cəfəngiyyat adlandırıb.
Qeyd edək ki, Tramp tərəfdarları 6 yanvar 2021-ci ildə Kapitolinin binasına basqın ediblər. ABŞ Prezidenti Co Bayden hücum cəhdini silahlı üsyan adlandırıb. Hadisə ilə bağlı davam edən təhqiqat Trampın 2024-cü ildə yenidən prezidentliyə namizədliyini irəli sürməsinə mane ola bilər.
.jpg)