AZ
RU
Dəyməz atam balası
Hədəf kimi seçildim,
Dərdim ilə vuruldum.
Dayansa da, zamanım,
Mən yenidən quruldum.
Saflaşdı düşüncələr,
Sular təki duruldum.
*****
Həyatı, mən anladım,
Sevgi nədir, dost nədir?...
Əllərində badə, mey,
Sözlərdən sərxoş olub,
Söylədiyi tost nədir?
*****
Sevgi desən bəhanə,
Sevən özü dost ola,
Bax, bu olar şahanə...
Amma yalnış düşündüm,
Qəlbini açıq etsən,
Dərdini bilincədir.
Sənin sirrin əlində,
Boynun qıldan incədir.
*****
Zaman-zaman dərdlərin,
Öz hədəfin olacaq.
Səni elə vuracaq,
Qalib kimi görünüb,
Düz qarşında duracaq.
*****
Sevəndə, dost seçəndə,
Yanılma sən, ey insan!
Cığır qoyub keçəndə,
Bayılma sən ey insan!...
Bax ki, kimi seçirsən,
Kimin üçün can verib,
Öz canından keçirsən.
Nifrəti seç demirəm,
Öz sözümdü deyilən.
Aşpaz kimi dad bilib,
Bəh-bəh ilə yemirəm.
Dəyməz:-Atam balası...
Dəyməz:-Atam balası!!!...
Təranə Şəms
(29).jpg)
