Xeberinfo.com:   

Dərin-dərin fikirlərim,
Yol gələr bilməzlikdən,
Kor edər gözlərimi, görməzlikdən.
Dilimi lal edər, dinməzlikdən,
Göylərdən qopub gələr,
Harda enər, harda bitər,
Nəyi eşidər, nəyi bilər,
Ona ağır, pis gələr.
İnsanlarda itən ümidin,
Qan verən çatına baxaq.
Dilim-dilim parçalı qan axıdan
Yaralı qatına baxaq,
Bir ananın, bir şair- yazarın
Çəkdiyi yükün adına baxaq.
Məramı, istəyi fəryad eləmək,
Bu millət oyansın deyə,
Açıq gördüklərini, dərdin qara üzünü 
Gözlərdə, sözlərədə yad eləmək.
Bəzən düşünər,
Kimi məyyus, kimi şad eləsin.
Millətin, xalqının dərdini,
Kimə yedirsin, kimin ağzına dad eləsin,
Yatıb oyanmayan bir xalqa,
Hansı adı, AD eləsin.
Diri-diri ölmüşü var,
Kökündən, soyundan dönmüşü var,
Hissə -hissə doğranıb bölünmüşü var,
Daşa- divara hörülmüşü var.
Boğulmuşu, atasız doğulmuşu var.
Hansı üzlə YAD eləsin,
Üzlər qara, insanlar bezar,
Yayılansa mərəz,
Loğmanı olmayan, sağalmaz qərəz.
Çəkə bilsək, dərddi dərdimiz,
Kimlərin qəddini əydi dərdimiz?...
Kaşki bizi qınaq edə, 
Dilə gələ, DİL AÇA dərdli, dərdimiz...

Təranə Nazimqızı