"Xeberinfo.com":  2015-ci ilin noyabrında Azərbaycanda növbəti parlament seçkiləri keçiriləcək. Son parlament seçkilərində əvvəlkilərin əksinə olaraq ədəbiyyat nümayəndələrinin fəallığı demək olar ki, hiss olunmur. 1995-2000-ci illərdə parlamentdə ona yaxın ədəbi xadim təmsil olunurdusa,  indi onların sayı kəskin surətdə azalıb. Xalq şairi, Azərbaycan Yazıçılar Birliyinin birinci katibi Fikrət Qoca isə ədəbiyyat adamının parlamentdə xalqı təmsil etməsini çox yaxşı hal hesab edir. Xalq şairinin fikrincə, bir yazıçı elə təkbaşına bir parlamentdir:

“Parlamentdə ədəbiyyat adamlarının olması çox yaxşı hadisədir. Dünya praktikasında da bu zaman-zaman yaşanıb. Fransa və başqa ölkə ədəbiyyatının bir çox görkəmli nümayəndələri, məsələn, Viktor Hüqo xalqını parlamentdə təmsil ediblər. Bir də mütləq deyil ki, yazıçı hökmən gedib parlamentdə otursun. Yazıçı hər yerdə xalqının sözünü deməlidir, xalqın deyən dili olmalıdır. Ona görə də əslində yazıçı elə parlamentin özüdür. Çünki o xalqın istədiyini deyir. Rəsmi olaraq parlamentə seçilirsə, çox yaxşı, seçilmirsə də yenə də bütün varlığı ilə xalqın sözünün deməlidir ”.

Modern.az