AZ
RU
Boris Nemtsovun ölümündən 1 saat əvvəlki görüntüləri yayıldı
Mərhum rusiyalı müxalifətçi Boris Nemtsovun ölümündən bir neçə dəqiqə əvvəlki görüntüləri yayılıb.
"Xeberinfo.com": “Qafqazinfo” Lifenews.ru-ya istinadən xəbər verir ki, həmin görüntülər Qırmızı meydanın mərkəzi univermağının nəzarət kameralarına düşüb.
Nemtsov və ukraynalı model Anna Duritskaya univermaqdakı “Bosko-kafe”də fevralın 27-i, axşam 10-da görüş təyin ediblər. Cütlük ticarət mərkəzinə ayrı-ayrı qapılardan daxil olublar, bunu başa düşəndən sonra isə bir-birini axtarmağa başlayıblar.
Görüş yerinə ilk gələn Boris olub. Anna isə həmin yerdə bir neçə dəqiqə sonra görünür. Bu, kafedəki sevgililərin Nemtsovun ölümündən bir saat əvvəl etdikləri son şam yeməyi olur.
Onlar məkan bağlanana yaxın, 23:25-də kafedən uzaqlaşırlar. Təxminən 10 dəqiqəyə cinayət baş verən körpüyə çatırlar. Körpüyə ayaq basan zaman Borisin ölümünə hələ 3 dəqiqə qalırmış. Təxminən 23:30-da killer “Makarov”dan Nemtsova 6 atəş açır.
Hədəfə dəyən 4 güllə nəticəsində Boris Nemtsov hadisə yerindəcə keçinib. Anna Duritskaya isə heç bir xəsarət almayıb.
.jpeg)
