AZ
RU
.png)
Ermənilər ruslara qarşı etiraz aksiyası keçirdi
Ermənistanın Gümrü şəhərinin sakinləri bu gün bir ailənin 6 üzvünün Rusiyanın bu şəhərdəki 102-ci hərbi bazasının hərbi qulluqçusu tərəfindən güllələnərək öldürülməsi ilə nəticələnən insidentə etiraz olaraq kütləvi aksiyalara başlayıblar.
"Xeberinfo.com": Məlumata görə, Gümrü sakinləri etiraz aksiyası keçirmək üçün şəhərin əsas meydanına toplaşıblar.
“Onlar daha sonra hansı addımları atacaqlarını sonra müəyyənləşdirəcəklər. Mən də onlara qoşulacağam” - deyə “Asparez” Gümrü Jurnalistlər Klubunun sədri Levon Barseqyan erməni mətbuatına açıqlamasında bildirib.
L.Barseqyan onu da deyib ki, bütün şəhər sakinləri səhər tezdən faciə baş verən binanın ətrafındadır: “Hamı bir-birinə xəbər verərək etiraz aksiyasına qoşulmağa çağırır. Aksiya şəhər meriyasının binasının qarşısında olacaq”.
Qeyd edək ki, bu gün Gümrü şəhərinin Myasnikyan küçəsində bir ailənin 6 üzvünün meyiti tapılıb. Onların biri uşaqdır. Onların hamısı güllələnib. Bu hadisədə Gümrüdəki Rusiya bazasının hərbçisi Valeri Pavloviç Permyakovun şübhəli bilindiyi məlum olub (virtualaz.org).
