AZ
RU
İrqçiliyə qarşı etiraz aksiyası keçirilib
Almaniyada minlərlə insan İslama ziddiyyəti və irqçiliyi ilə tanınan “PEGIDA” hərəkatına qarşı aksiya keçirib.
"Xeberinfo.com": Məlumata görə, aksiya bir neçə şəhərdə baş tutub və ümumilikdə 50 min adam iştirak edib. Berlində "Brandenburq qapısı"nda keçirilən aksiyada hərəkata etiraz məqsədi ilə qapının işıqları söndürülüb.
Berlindəki türk diasporunun sədri Bəkir Yılmaz deyib: “Müsəlmanları təhlükəli adam kimi tanıtdırırlar. Biz bu adamlara etiraz etmək üçün bu aksiyanı təşkil etdik. Almaniyada plüralist bir cəmiyyətdə yaşayırıq və heç kimin buna mane olmasına imkan vermərik”.
Berlin Daxili İşlər Senatorluğu qarşısında keçirilən aksiyaya isə 5 min adam dəstək verib. Etirazçılar “PEGİDA”-ya dəstək vermək istəyənlərin yolunu kəsmək istəyib. Polis müdaxilə etdikdə isə polislə etirazçılar arasında qarşıdurma yaranıb.
Bir polis yaralanıb, 10 etirazçı həbs olunub.
