AZ
RU
PKK Türkiyəyə qarşı
PKK terror təşkilatı kürd probleminin həlli prosesinin uğursuzluğa düçar olacağı təqdirdə Türkiyənin cənub-şərqində terror aksiyalarını bərpa edəcək
"Xeberinfo.com": APA-nın “Associated Press” ə istinadən verdiyi xəbərə görə, bu barədə PKK-nın rəhbərlərindən olan Murad Karayılan “RojNews”a açıqlamasında bildirib.
Həll prosesi müvəffəqiyyətlə nəticələnəyi halda hazırda həbsdə olan PKK lideri Abdulla Öcalanın 2015-ci ilin aprel ayında keçiriləcək PKK-nın 12-ci Konqresinə qatılacağını bildirən M. Karayılan, Öcalanın kürd probleminin həlli ilə bağlı layihə göndərdiyini və bu layihəni müzakirə etdiklərini söyləyib: "Öcalanın bu layihəsi əsasında sülhə hazırıq. Layihəyə görə, tərəflər arasında razılıq əldə olunarsa, 15 martda Türkiyə dövlətinə qarşı silahlı mübarizə dayandırılacaq. Biz ona uyğun hərəkət edəcəyik. Ya siyasi qüvvə olacaq, ya da mübarizəni davam etdirəcəyik. Konqresdə bununla bağlı qərar veriləcək".
M. Karayılan bəyan edib ki, problemin həlli ilə bağlı lazımi addımlar atılmazsa və bu məsələdə irəliləyiş əldə olunmazsa, Türkiyədə 2015-ci ilin yayında keçiriləcək seçkilərdən öncə PKK döyüşlərə başlayacaq.
.jpg)
