AZ
RU
Ukrayna hərbçiləri geriyə addım
Ukrayna hərbçiləri Donetsk aeroportunun köhnə terminalını tərk etsələr də hava limanının özü üzərində nəzarətə malikdirlər.
"Xeberinfo.com": Bu haqda məlumatı Ukrayna silahlı qüvvələrinin nümayəndəsi deyib.
"Köhnə terminalda hərbçilərimizin müdafiəsi üçün mövqeləri qurmaq imkanının olmadığına görə, onlar həmin ərazini tərk ediblər. Demək olar ki, köhnə terminal artıq yoxdur”, - deyə BBC Ukrayna Xidmətinə danışan Aleksey Dmitraşkovski qeyd edib.
Son aylar ərzində Donetsk aeroportu şiddətli döyüşlərin səhnəsinə çevrilib.
Bundan əvvəl Ukrayna prezidenti Petro Poroşenko Donbas bölgəsində “süküt rejim”inin elan edildiyini bildirib.
Bu addım ölkənin şərqindəki separatçılarla əldə olunan və tez-tez pozulan atəşkəsə dəstək məqsədilə atılır.
Sentyabrda Ukrayna hökumətilə separatçılar arasında imzalanan atəşkəsə rəğmən şiddətli toqquşmaların arası tam kəsilməyib. BMT son 3 ayda davam edən qarşıdurmada minədək adamın öldürüldüyünü bildirib.
.jpg)
