AZ
RU
Rusiya Suriyadakı hava məkanını bağlayır
Suriyaya veriləcək “S-300” raketdən müdafiə sistemləri sayəsində Rusiya Suriyanın lazım olan bölgələrindəki hava məkanını bağlaya biləcək.
Yenixeber.org: Bu barədə Rusiya XİN-in nüvə silahlarının yayılmasının qarşısının alınması və silahlara nəzarət departamentinin rəhbəri Vladimir Yermakov “RİA Novosti”yə verdiyi müsahibədə deyib. Bildirib ki, “S-300”lərin Suriyaya verilməməsi üçün əvvəllər Moskva qarşısında qoyulan tələblər artıq təsirsizdir.
Yermakov həmçinin, ABŞ prezidentinin milli təhlükəsizlik məsələləri üzrə köməkçisi Con Boltonun “S-300”ləri Suriyaya verməklə Rusiyanın regionda gərginliyi artırdığına dair bəyanatını da şərh edib.
““S-300”lər tamamilə müdafiə məqsədlidir. Moskvanın bu qərarı əksinə, regiondakı vəziyyətin sabitləşməsinə və rus hərbçilərin təhlükəsizliyinin təmin edilməsinə istiqamətlənib. ABŞ-ın məsələ ilə bağlı açıqlamalarını şişirdilmiş və əsassız hesab edirik. Rusiya öz müttəfiqlərinə müdafiə sahəsində dəstək vermək haqqına sahibdir. Dəməşqə verəcəyimiz “S-300” raketdən müdafiə sistemləri sayəsində Suriyadakı hava məkanı lazımi bölgələrdə bağlanacaq.”, – deyə Yermakov vurğulayıb.
Qeyd edək ki, ötən gün Rusiyanın müdafiə naziri Sergey Şoyqu 2 həftə ərzində Suriyaya “S-300”lərin veriləcəyini bəyan edib. O, Moskvanın bu addımını İsrail Hərbi Hava Qüvvələrinin təxribatçı hərəkətləri nəticəsində Suriyada Rusiyaya məxsus “İl-20” təyyarəsinin vurulması və 15 rus hərbi qulluqçusunun ölümündən sonra Suriyadakı rus hərbçilərin təhlükəsizliyinin təmini ilə əlaqələndirib.
Xatırladaq ki, Rusiya 2013-cü ildə məhz İsrailin xahişi ilə Dəməşqə “S-300”lərin verilməsindən vaz keçmişdi. Son olaraq Suriyaya “S-300”lərin verilməsi məsələsi 2018-ci ilin aprelində ABŞ, Fransa və İngiltərənin Bəşər Əsədin guya kimyəvi silah tətbiq etdiyi iddiası ilə Suriyaya raket zərbələri endirmələrindən sonra yenidən gündəmə gəlmişdi.
Yermakov həmçinin, ABŞ prezidentinin milli təhlükəsizlik məsələləri üzrə köməkçisi Con Boltonun “S-300”ləri Suriyaya verməklə Rusiyanın regionda gərginliyi artırdığına dair bəyanatını da şərh edib.
““S-300”lər tamamilə müdafiə məqsədlidir. Moskvanın bu qərarı əksinə, regiondakı vəziyyətin sabitləşməsinə və rus hərbçilərin təhlükəsizliyinin təmin edilməsinə istiqamətlənib. ABŞ-ın məsələ ilə bağlı açıqlamalarını şişirdilmiş və əsassız hesab edirik. Rusiya öz müttəfiqlərinə müdafiə sahəsində dəstək vermək haqqına sahibdir. Dəməşqə verəcəyimiz “S-300” raketdən müdafiə sistemləri sayəsində Suriyadakı hava məkanı lazımi bölgələrdə bağlanacaq.”, – deyə Yermakov vurğulayıb.
Qeyd edək ki, ötən gün Rusiyanın müdafiə naziri Sergey Şoyqu 2 həftə ərzində Suriyaya “S-300”lərin veriləcəyini bəyan edib. O, Moskvanın bu addımını İsrail Hərbi Hava Qüvvələrinin təxribatçı hərəkətləri nəticəsində Suriyada Rusiyaya məxsus “İl-20” təyyarəsinin vurulması və 15 rus hərbi qulluqçusunun ölümündən sonra Suriyadakı rus hərbçilərin təhlükəsizliyinin təmini ilə əlaqələndirib.
Xatırladaq ki, Rusiya 2013-cü ildə məhz İsrailin xahişi ilə Dəməşqə “S-300”lərin verilməsindən vaz keçmişdi. Son olaraq Suriyaya “S-300”lərin verilməsi məsələsi 2018-ci ilin aprelində ABŞ, Fransa və İngiltərənin Bəşər Əsədin guya kimyəvi silah tətbiq etdiyi iddiası ilə Suriyaya raket zərbələri endirmələrindən sonra yenidən gündəmə gəlmişdi.
