AZ
RU
Paşinyanın naziri açıqladı –İrəvanın borcu...
Ermənistan keçən il investisiyadan çox, borc əldə edib
Yenixeber.org: Bunu parlamentdə çıxışı zamanı Ermənistan Maliyyə naziri Atom Cancuqazyan deyib. Onun sözlərinə görə, keçən il ərzində Ermənistan dövlət büdcəsinin gəlirləri 1,237 trilyon dram olub ki, bu da 2016-cı ildən 5% çoxdur. Ölkənin xərcləri isə keçən il 3,8% artaraq 1,503 trilyon drama çatıb. 2017-ci ildə Ermənistan dövlət büdcəsinin kəsiri 266,7 milyard dram olub.
“Defisitin azalması borcun artması hesabına baş verib. Buna xüsusilə 180,1 milyard dram həcmində alınan Rusiya hərbi krediti təsir edib. Bunun sayəsində defisit ümumdaxili məhsulun 4,8%-ni təşkil edib”, – deyə nazir bildirib.
Ermənistanın dövlət borcunun ÜDM-yə nisbəti rəsmi rəqəmlərə görə 58,8 faizdir. Cancuqazyan bunun “yüksək risk səviyyəsində olmadığını” deyib.
Qeyd edək ki, dövlət borcunun ÜDM-nin 60 faizinə yaxınlaşmasını iqtisadçılar ciddi risk sayır
.jpg)
