Səfir Rikardione deyib ki, Ankara ilə Vaşinqton arasında “ən-Nusra” mövzusunda fikri ayrılığı olub

Vaşinqton Ankaraya Suriya müxaliflərinə sərhədləri qapatmağı tövsiyə edib

  "Xeberinfo.com": ABŞ-ın Türkiyədəki keçmiş səfiri, bu yaxınlarda fəaliyyət müddəti başa çatmış Frensis Rikardione Suriya məsələsi ilə bağlı maraqlı açıqlama verib. Hazırda “Atlantic Council” Beyin Mərkəzində çalışan Rikardione Suriya mövzusunda ABŞ və Türkiyə hökuməti arasında fikir ayrılığının olduğunu bildirib.

Keçmiş səfir deyib ki, onun çalışdığı müddətdə Vaşinqton Ankaraya Suriyadakı müxalif “ən-Nusra” və “Əhrar əş-Şam” kimi qruplaşmalara dəstək verməməyi tövsiyə etsə də, Ankara buna əməl etməyib. Keçmiş səfirin bildirdiyinə görə Ankara bu qruplaşmaların üzvlərinin Türkiyə sərhədindən keçidinə göz yumub. Keçmiş səfir “türklərlə fərqli fikrilərdə olmağı qəbul etdik. Türkiyə “ən-Nusra” kimi qruplaşmalarla əməkdaşlıq etdi. Ancaq biz bu qrupları tanımadıq və əməkdaşlıq etmədik”, – deyə bildirib.

ABŞ səfiri bildirib ki, Suiryadakı müxalif qrupları rənglərinə görə ayırıblar. Belə ki müxaliflər 3 qrupa ayrılıblar. Qırmızı rənglə işarələnənlər “açıq düşmənlər”, sarı rənglə işarələnənlər “ortadakılar”, yaşıl rənglə işarələnənlər isə “etibarlı dostlar” olub. Rikardione deyib ki, Türkiyə hökuməti “ortada” olanları da ələ alıb “etibarlı dostlara” çevirə biləcəklərini deyiblər: “Biz isə onlara “təbii ki, ola bilər. Ancaq sizin ələ ala biləcəyinizi düşündüyünüz bir çox qrupları biz limitdən kənarda görürük. Onlarla iş görməmiz mümkün deyil. Sizin onlarla iş görməməyiniz yaxşıdır. Bu qrupların sərhədlərinizdən keçməsinə icazə verməmək lazım olduğunu düşünürük” – deyə ABŞ-ın keçmiş səfiri bildirib.

Qeyd edək ki, “əl-Qaidə” terror təşkilatının Suirya qolu hesab olunan “ən-Nusra” hərəkatı Suiryada əsas müxalif silahlı qruplaşmalardan biri hesab olunur. ABŞ hökuməti “ən-Nusra”nı 2012-ci ildə terror təşkilatları siyahısına salıb. Ancaq Türkiyə hökumətinin bu qruplaşma ilə əməkdaşlıq etdiyi bildirilir.