AZ
RU
Rusiya hücuma hazırlaşır
Rusiya Ukrayna ilə sərhəddə hərbi qüvvələrinin sayını iki dəfə artırıb və xəbərdarlıq etmədən qısa vaxt ərzində onun ərazisinə soxula bilər.
"Xeberinfo.com": Bu barədə “Nyu York Tayms” qəzeti məlumat yayıb. “Vladimir Putinin hədəfi Ukraynanın şərq regionlarına maksimum müxtariyyət vermək üçün Kiyev və Vaşinqtona təzyiq etməkdir. Lakin Qərb rəsmiləri qorxur ki, rusmeyilli separatçılar Ukraynada məğlub olacağı təqdirdə Rusiya birbaşa hücum variantına hazırlaşa bilər”, - deyə qəzet yazıb.
“Nyu York Tayms”ın ABŞ kəşfiyyatındakı mənbələri bildirirlər ki, Rusiya hücumu “Sülhməramlı əməliyyat” adı altında aparacaq.
“Bu, tam real variantdır. Əgər Putin qərar versə, bu addım xəbərdarlıqsız atılacaq. Biz sadəcə onun nə fikirləşdiyini bilmirik”, deyə məlumatı verən mənbə bildirib.
NATO-nun Avropadakı Birləşmiş Komandanlığının keçmiş komandiri Uesli Klark hesab edir ki, Putin uğurlu hücum üçün hərbi və siyasi şərait yaradıb.
“Lakin deyəsən, o, hücumdan sonra baş verə biləcək risqlərlə bağlı siyasi qərarlar qəbul etməyib”, - deyə Klark bildirib.
