AZ
RU
"Şimali Koreyaya qarşı ABŞ-ın addımlarını anlayırıq" -Cənubi Koreyanın baş nazirinin müavini
Cənubi Koreya ABŞ-ın Şimali Koreyaya hərbi müdaxiləsini dəstəkləmir.
Yenixeber.org: Xarici mediaya istinadən xəbərə görə, Cənubi Koreyanın baş nazirinin müavini Honq Yonq-Pyo mətbuata açıqlamasında əhalinin təhlükəsizliyinin daha vacib olduğunu vurğulayıb: “Nüvə başlıqlı ballistik raket sınağını davam etdirən Şimali Koreyaya qarşı ABŞ-ın addımlarını anlayırıq. ABŞ nüvə silahına qarşı qabaqlayıcı tədbirlər görmək istəyir. Amma hər şeydən vacib xalqımızın can təhlükəsizliyidir. Ona görə də, Amerikanın Şimali Koreyaya ola biləcək hərbi müdaxiləsini dəstəkləmirik. Hesab edirik ki, Şimali Koreyanı nüvə ehtirasından imtinaya razı salmaq üçün iki Koreya arasında dialoqa söykənən strategiya qəbul edilməlidir. Biz hazırda tarixi dönüş nöqtəsindəyik. Ya Şimali Koreyanın nüvə silahına sahib olması iddiasını qəbul edəcəyik ya da onları bu pis vərdişdən uzaqlaşdıracağıq”.
