Şimali Koreya bu səhər Yapon dənizinə dörd ballistik mərmi atıb. Yaponiya və Cənubi Koreya buna cavab olaraq “Pyongyang” rəhbərliyinə sərt reaksiya göstərib.

Yenixeber.org:  Yaponiyanın baş naziri Şinzo Abe mərmilərdən üçünün ölkəsinin xüsusi iqtisadi sahəsinə düşdüyünü söyləyib. Abe son addımın Şimali Koreyadan onlara qarşı yeni bir təhdidi açıqca göstərdiyini bildirib.

Cənubi Koreya ordusu isə mərmilərin Tongchang-ri bölgəsində Şimali Koreya-Çin sərhədinə yaxın bir yerdən atıldığını və təxminən 1000 kilometr boyunca havada qaldığını deyib.

Milli təhlükəsizlik heyətini yığan Cənubi Koreyanın müvəqqəti lideri Hwang Kyo-ahn ABŞ istehsalı olan mərmi müdafiə sisteminin dərhal ölkəsində yerləşdirilməsi çağırışı edib. Sistemin qarşıdakı aylarda Cənubi Koreya torpaqlarında yerləşdirilməsi nəzərdə tutulurdu.

Şimali Koreya tərəfi ballistik raket sınağının müvəffəqiyyətli olduğunu deyərkən, ABŞ-dan sərt xəbərdarlıq gəlib: “Nüvə silahına cavabımız çox sərt olar.” Bu arada da Şimali Koreya tərəfi ABŞ-Cənubi Koreya hərbi manevrlərini işğala hazırlıq kimi qəiymətləndirib.

“Pyongyang” rəhbərliyi keçən ay Donald Trampın ABŞ prezidenti olmasından bu yana ilk dəfə ballistik raket sınağı keçirmişdi. Birləşmiş Millətlər Təşkilatı (BMT), ABŞ, Cənubi Koreya və Yaponiya Şimali Koreyanı qkınamış, BMT Şimali Koreyanın raket sınaqlarını qadağan etmişdi.