Çin prezidenti Xi Jinping G20 (Böyük İyirmilik) liderlərini “boş danışıqlardan” çəkinməyə çağırıb.

Xeberinfo.com:  Dünya liderləri iki günlük ənənəvi sammitdə iqtisadi inkişafın gücləndirilməsini müzakirə edir.

Prezident Xi bildirib ki, qlobal iqtisadiyyat zəif ticarət və dəyişgən bazarlara görə “mühüm keçid” dövründədir.

G20-nin ilk günündə polad böhranı, ticarət maneələri və Britaniyanın Avropa İttifaqından çıxması müzakirə edilib.

Çin lideri söyləyib ki, beynəlxalq ictimaiyətin sammitdən yüksək gözləntiləri var.

Almaniya kansleri Angela Merkel bildirib ki, G20 liderləri iqtisadi inkişafın artırılması üçün birgə çalışmaq ətrafında razılığa gəliblər.

Hərçənd BBC-nin Asiya-Sakit ölkələri üzrə redaktoru Celia Hatton bildirib ki, güman ki birgə razılaşma əldə olunmayacaq, çübki əksər nəticə verən müzakirələr ikili görüşlərdə əldə olunur.

Prezident Xi həmkarlarını ticarəti artırmaq üçün “boş danışıqlar”dan yayınmağa çağırıb, hərçənd onun bu sözləri tənqidçiləri təəccübləndirib: “Çin tez-tez ticarətə maneələr törətmək və maneələri aradan qaldırmamaqda ittiham olunur,” müxbirimiz qeyd edib.

Beynəlxalq Valyuta Fondu (IMF) bu il qlobal iqtisadi inkişafda enmələr olacağı barədə proqnoz verib.

Sammit zamanı ABŞ prezidenti Barack Obama ilk dəfə Britaniyanın yeni baş naziri Theresa May ilə görüşüb.

Birgə mətbuat konfransında Obama bildirib ki, Britaniyanın Avropa İttifaqından ayrılması barədə referendumdan (Brexit) sonra ilk tapşırıq “bunun Avropa üçün nə demək olduğunu” aydınlaşdırmaqdır.

O qeyd edib ki, ABŞ Britaniyadan öncə Transatlantik Ticarət və Sərmaye Tərəfdaşlığı (TTİP) kimi tanınan Aİ ilə ticarət əlaqələrini müzakirə edəcək.

Xanım May G20 çərçivəsində iki gün boyunca Brexit-in təsirlərini izah edəcək. (BBC Azeri)