AZ
RU
-21.jpg)
Ukrayna yenidən qarışdı
Rusiyameyilli fəallar bölgədə referendumun keçirilməsini tələb edir.
"xeberinfo.com": Rusiyameylli fəallar Ukraynanın şərqində yerləşən Donetsk, Xarkov və Luqansk şəhərlərində hökumət əleyhinə aksiya keçirir. Bir sıra hökumət binalarını ələ keçirən aksiyaçılar bölgədə referendemun keçirilməsini tələb edir.
Məlumata görə, Luqansk şəhərində nümayişçilər Ukrayna Təhlükəsizlik Xidmətinin binasını nəzarət altına alıb.
Aksiya iştirakçıkarı UTX-də olan silah-sursatların saxlanıldığı otağı ələ keçirib. Son məlumatlara görə, bina ələ keçirilərkən 9 nəfər xəsarət alıb. Onlardan biri 16 yaşlı qız, digərinin isə 21 yaşlı əsgər olduğu deyilir. Şəhərin mərkəzində 3 minədək adam toplaşıb. Rusiyameylli fəallar aksiyalar zamanı saxlanılanların siyahısını hazırlayıb və onların dərhal buraxılmasını tələb edir.
Bu arada Ukrayna Baş Dövlət Yol Polisi İdarəsi Luqansk şəhərinə bütün nəqliyyat vasitələrinin girişini qadağan edib. Ukrayna daxili işlər nazirliyi şəhərdə əməliyyat-istintaq tədbirləri həyata keçirir.
