AZ
RU
Rusiya ən yeni silahlarını sınaqdan keçirdi
Rusiya topçulatı Şimali Qafqazda ən yeni hərbi texnika və silahların iştirakı ilə təlimlər keçiriblər.
Xeberinfo.com: RİA Novosti-yə istinadən xəbərə görə, bu barədə Rusiya Silahlı Qüvvələri Cənub Hərbi Dairəsinin mətbuat xidməti məlumat yayıb.
Təlimlər Şimali Osetiya, Dağıstan, Çeçenistan və Cənubi Osetiyanın ərazilərində keçirilib.
"Təlimlərin gedişatında xüsusi diqqət "Zoopark-1" ən yeni radiolokasiya kompleksləri, "Xrizantema-S" özüyeriyən tank əleyhinə raket kompleksləri, "Msta-S" özüyeriyən artilleriya sistemləri, "Tornado-Q" reaktiv yaylım atəş sistemləri və "Podnos" minaatan sistemlərinin mənimsənilməsinə ayrılıb", - xəbərdə deyilir.
Təlimlərdə 3,5 mindən çox topçu, silah və hərbi texnikanın təxminən min vahidi iştirak edib.
.jpg)
