Fransanın paytaxtı Parisdə Ermənistana etiraz edən azərbaycanlılar PKK bayraqları və Öcalanın fotolarını daşıyan qrupun hücumuna məruz qalıb 

Xeberinfo.com:  Belə ki, soydaşlarımız tərəfindən Azərbaycanın torpaqlarını işğal etməklə kifayətlənməyib son günlər daha da azğınlaşaraq hərbçilərimizin və mülki əhalinin itkilərinə səbəb olan fitnəkar Ermənistana Parisdə etiraz edilib. 

Ermənistanın hücumlarına etiraz edən azərbaycanlılardan ibarət qrup "Şəhidlər ölməz, vətən bölünməz", "Qarabağ bizimdir, bizim olacaq" və "Qarabağa azadlıq" şüarları səsləndirib."Müharibə günahkarı Sarkisyan" və "Terrorist dövlət Ermənistan" yazılı plakatlarla çıxış edilib. 

Nümayişdə Azərbaycan Himni oxunub. Etiraz nümayişinin sonuna yaxın Ermənistan səfirliyinin olduğu küçə döyüş meydanına çevrilib. Ermənistan səfirliyi qarşısında etiraz nümayişi təşkil azərbaycanlılar PKK bayraqları və Abdullah Öcalanın fotolarını daşıyan bir qrupun hücumuna məruz qalıb. Azərbaycanlıların cavab verməsindən sonra PKK tərəfdarları qaçıblar.