AZ
RU
“Əməliyyat hazırlanır”
ABŞ və Rusiya Suriyada atəşkəs haqqında sazişə riayət edilməsi və terrorçulara qarşı əməliyyatların keçirilməsi sisteminin yaradılması barədə razılığa gəlib.
Xeberinfo.com: Xarici KİV-ə istinadən xəbər verir ki, bu barədə ABŞ dövlət katibi Con Kerri bildirib.
O deyib ki, Vaşinqtonla Moskva prosesin necə həyata keçirilməsini razılaşdırıb.
“Bu imkan verəcək ki, həyata keçirilən missiyalar “İslam dövləti” (İŞİD) və Ən-Nusra cəbhəsinə qarşı olsun”,-deyə xarici siyasət idarəsinin rəhbəri qeyd edib.
Con Kerri bununla belə əlavə edib ki, razılığın detallarının mətbuatda açıq müzakirəsinə hazırlaşmırlar.
Xatırladaq ki, Suriyada atəşkəs razılaşması fevralın 27-dən qüvvəyə minib.
.jpeg)
