AZ
RU
Baş nazir "qaçdı"
Liviyanın keçmiş baş naziri Əli Zeydan istefaya göndəriləndən bir neçə saat sonra onu xaricdə görüblər
"xeberinfo.com" xarici KİV-ə istinadən bildirir ki, bundan əvvəl siyasətçiyə ölkə ərazisini tərk etmək qadağası qoyulmuşdu. Maltanın baş naziri Cozef Muskat bəyan edib ki, martın 11-də axşam Zeydanın təyyarəsi ölkə ərazisində yanacaq üçün eniş edib. Sonra keçmiş baş nazir adı hələ ki məlum olmayan Avropa ölkəsinə yollanıb. Muskat Zeydanla telefonla əlaqə qura bilib. Avstriyanın “Salzburg24.at” nəşri xəbər verir ki, baş nazir bir vaxt yaşadığı İsveçrəyə gedə bilər.
Martın 11-də Liviya parlamenti Əli Zeydana etimadı ləğv edib. Bir qədər sonra baş prokurorluq keç miş baş nazir barəsində araşdırma aparıldığını elan edib. Zeydan korrupsiyada və digər qanun pozuntularında şübhəli bilinir. Araşdırma səbəbindən ona ölkəni tərk etmək qadağan edilmişdi.
Əli Zeydan 2012-ci ildən baş nazir idi. O, Müəmmar Qəddafi devriləndən sonra keçirilən parlament seçkilərinin nəticələrinə görə hökumətə rəhbərlik edirdi.
.jpg)
