AZ
RU
.jpg)
Türkiyənin yeni baş naziri Binəli Yıldırım ola bilər
AKP-nin prezidentliyə namizədi məlum olduqdan sonra, siyasi dairələrdə Ərdoğan seçiləcəyi təqdirdə kimin yeni baş nazir olacağı məsələsi dartışılır.
"Xeberinfo.com": Məlumata görə, baş nazir postu üçün AKP-də keçmiş nəqliyyat naziri Binəli Yıldırımın adı keçir.
Siyasi partiyalar qanununda edilən dəyişiklikdən sonra baş nazir və partiya başqanı fərqli şəxslər ola bilər. Lakin AKP-də bunun həyata keçirilməsi gözlənilən deyil.
AKP başqanı ilə baş nazirin eyni şəxs olması gözlənilir.
Baş nazir Ərdoğan partiya nümayəndələrinə qəti şəkildə "Üç müddətə seçilmək qanunu dəyişməyəcək. Ara və yaxud vaxtından əvvəl seçkilərə gedilməyəcək" deyib.
AKP-də Ərdoğandan sonra baş nazirlik vəzifəsi üçün Bülənt Arınç, Əli Babacan, Binəli Yıldırım, Mehmet Əli Şahin və Əhməd Davudoğlunun adı keçir. Ən şanslının isə Ərdoğanın üstünlük verdiyi Binəli Yıldırım olduğu bildirilir.
AKP kulislərində iddia edilir ki, Abdullah Gül aktiv siyasətə qayıdarsa üstünlük məhz ona veriləcək. Lakin baş nazir millət vəkili də olmalıdır. Və Gül parlamentə seçilərsə AKP başqanı və baş nazir ola bilər.
Bunun üçün vaxtından əvvəl seçkilərə getmək lazımdır. Bunun olmayacağını Ərdoğan bəyan edib.
