“Türkiyə rəhbərliyinin hərəkətləri düşmənçilik aktdır. Bizi bilirsiniz nə əsəbiləşdirdi? Əgər bu təsadüfi hadisə olsaydı, onda zəng edib izahat verməliydilər. Bunun əvəzində Brüsselə qaçdılar və qışqırmağa başladılar. Bununla bizim xətrimizə dəyirlər”

Xeberinfo.com:   Məlumata görə, bu fikirləri Rusiya prezidenti Vladimir Putin bu gün keçirdiyi mətbuat konfransında deyib.

Putin qeyd edib: “Biz Türkiyə ilə əməkdaşlıqdan imtina etmirdik. Mən sonuncu dəfə Antalyada olanda Türkiyə rəsmiləri bizə həssas məsələləri çatdırdılar və dəstək istədilər. Məsələlər beynəlxalq hüququn çərçivələrinə sığmırdı.Biz dedik ki, bəli, anlayırıq və kömək etməyə hazırıq”.

Putin Türkiyənin Suriyada hərbi əməliyyatlar zamanı orada yaşayan türkmənlərin maraqlarının nəzərə alınması ilə bağı Rusiyadan xahiş etmədiyini vurğulayıb: “Mən Suriyada türkmənlər barədə heç nə eşitməmişəm. Bizə doğma olan türkmənləri tanıyıram, amma Suriyada yaşayan türkmənlər barədə eşitməmişəm”.

Putin “Su-24” təyyarəsinin vurulmasına görə, Türkiyə rəsmilərinin ünvanına təhqiramiz ifadə işlədib.

Putin “Türkiyə rəhbərliyində kimsə “Su-24”ü vurmaqla amerikalıların bir yerini yalamaq istəməsini” inkar etməyib.