AZ
RU
Hökumət başçısı istefa verdi
"Yenxeber.info" xarici mətbuata istinadən xəbər verir ki, İtaliya hökumətinin başçısı Enriko Letta istefa verib. Məlumata görə, istefa hakim koalisiyanın əsas qüvvəsi olan Demokrat Partiyasının təzyiqlərinin nəticəsidir. Enriko Lettanın da üzv olduğu Demokrat Partiyasının lideri Matteo Rentsi baş nazirin istefaya getməsini təklif edirdi. Fevralın 13-də partiya liderin təklifini səsə qoyaraq qəbul edib. Bundan sonra Enriko Letta istefaya razılaşıb.
Enriko Letta baş nazir postunu ötən ilin aprel ayından tuturdu.
Yeni hökuməti Matteo Rentsinin quracağı gözlənir. Hazırda o Florensiya şəhərinin meridir.
