AZ
RU
Türkiyə-Azərbaycan sərhədi bağlanıb
Türkiyə ilə Azərbaycanın arasında yerləşən Dilucu sərhəd keçid məntəqəsi iki gündür ki bağlıdır.
"Xeberinfo.com": Femida.az-ın xəbərinə görə Türkiyə ilə Naxçıvan Muxtar Respublikası arasında yerləşən Dilucu sərhəd keçid məntəqəsi iki gündür ki, bağlıdır. Sərhəddən keçmək istəyən soydaşlarımız böyük çətinliklə üzləşib. Aldığımız son məlumatlara əsasən sərhəd keçid məntəqəsi bağlı olduğuna görə insanlar otellərdə gecələməli olublar.
İlkin ehtimallara görə, sərhəd keçid məntəqəsinin bağlanmasının səbəbi bir neçə gün bundan əvvəl həmin ərazidə törədilmiş terror aktı ilə bağlıdır.
Qeyd edək ki, avqustun 8-də Dilucu sərhəd məntəqəsində keşik çəkən türk polislərini aparan avtomobilə PKK terrorçuları tərəfindən bombalı tələ qurulmuşdu. Həmin bombanın partladılmasə nəticəsində 10 polis şəhid olmuş, 3 polis isə yaralanmışdı.
