AZ
RU
ABŞ və Kuba arasında münasibətlər stabilləşir
54 ildən bəri ilk dəfə Vaşınqton və Havanada səfirliklərin açılması gözlənilir
"Xeberinfo.com": ABŞ və Kuba 54 ildən sonra yənidən diplomatik əlaqələr qurmağa başlayıb.
Vaşinqton və Havanada səfirliklərin açılması gözlənilir. Bu barədə ölkə başçılarının görüşündə aparılan müzakirələr zamanı qərar qəbul edilib.
Bu ilin aprel ayında görüşən həmkarlar münasibətlərin stabilləşməsində maraqlı olduqlarını söyləyiblər. Bir ay sonra isə ABŞ Kubanı terrora dəstək verən ölkələrin siyahısından çıxarıb. Hər iki ölkədə səfirliklərin açılma tarixi daha dəqiq iyulun 1-də bəlli olacaq.
İki ölkə arasında münasibətlərin pozulması 1959-cu ilə təsadüf edir. Həmin ildə Kuba lideri Fidel Kastro ABŞ-ın dəstəklədiyi prezidenti devirib və sosial dövlət yaradıb.
Bir müddət öncə Kubanın prezidenti Raul Kastro ABŞ-a səfir təyin edə biləcəklərini demişdi. Kastro jurnalistlərə açıqlamasında qarşılıqlı səfir təyinatından sonra iki ölkə arasında diplomatik münasibətlərin yaranacağını bildirmişdi.(ans press)
.jpeg)
