«Biz hələ xaricdəki diplomatik nümayəndəliklərimizin bağlanması ilə bağlı son qərar qəbul etməmişik. Bu məsələ ölkə hökuməti tərəfindən baxılmaq mərhələsindədir».

Xeberinfo.com:   Məlumata görə, bunu Azərbaycan XİN-in rəsmisi Hikmət Hacıyev bəzi səfirliklərin bağlanması haqqda xəbəri şərh edərkən deyib.

Xatırladaq ki, bundan əvvəl Azərbaycan XİN-in bağlanacaq səfirliklərlə bağlı siyahı hazırladığı barədə xəbər yayılmışdı. Bildirilirdi ki, onların arasında Uruqvay, Kolumbiya və Kubadakı səfirliklərin və ticarət nümayəndəliklərinin ofisləri, Geniya, Livan, Brotislava, Xarkov və Amerikanın Santa-Fe şəhərlərindəki fəxri konsulluqların adları da var.

"Fəxri konsulluqların bağlanmasına gəlincə, onlar fəaliyyətlərini özləri maliyyələşdirirlə"», -deyə H. Hacıyev vurğulayıb.

Onun sözlərinə görə, xaricdəki bu və ya digər nümayəndəliyin bağlanması hökumətin səlahiyyətinə aiddir.

H. Hacıyev daha sonra deyib: "Yekun qərar hələ qəbul olunmayıb. Bu prosesdə qarşılıqlı diplomatik münasibətlər və siyasi məsələlər xüsusilə nəzərə alınır. Amma təbii ki, biz bu günün reallıqlarını nəzərə alaraq bəzi diplomatik nümayəndəliklərin işçilərinin sayını azaltmağa gedə bilərik".