AZ
RU
.jpg)
“Rusiya yeni işğala hazırlaşır”
Rusiya bir işğalı qeyd edir və başqa bir işğal üçün zəmin hazırlayır
"Xeberinfo.com": Məlumata görə, bu barədə İngiltərənin “Qardian” qəzeti məlumat yayıb.
“Rusiya Putinin əhaliyə müraciəti ilə Moskvanın mərkəzində Krım yarımadasının işğalının 1 illiyini qeyd etdi. Ölkə prezidenti bildirdi ki, rus xalqı Moskvanın “tarixi qayıdış” hesab etdiyi Krımın birləşdirilməsini dəstəkləməklə heyrətamiz vətənpərvərlik nümayiş etdirdi. Rusiya hələ bir işğalı qeyd edir, ola bilsin ki, yeni bir birləşdirməyə zəmin hazırlayır. Çərşənbə günü Cənubi Osetiyanın lideri Leonid Tibilov Kremldə Rusiya ilə müttəfiqlik və inteqrasiya müqaviləsi imzaladı. Qərb liderləri bu müqaviləni müzakirə edərək bildirdilər ki, bu, Gürcüstanın suverenliyini və beynəlxalq hüququ pozur”, - qəzetin müxbiri Şon Uoker yazıb.
Qeyd edək ki, NATO baş katibi Yens Stoltenberq də sözügedən müqaviləni şərh edərkən bildirib ki, bu addım Rusiyanın regionda təhlükəsizlik və sabitliyi pozmasına xidmət edir. (axar.az)
.jpg)
