Bu günlərdə “8-ci kilometr bazarı”nın özəlləşdirlməsi və cəmi  312 min manata satılmas haqda məlumat vermşdik.

"Xeberinfo.com":  Dəyəri milyonlarla manatla ölçülən bir bazarın özəlləşdirilməsidən dövlətin büdcəsinə şəhərin mərkəzində 3 otaqlı bir evin qiyməti qədər pul köçürülməsinə, əlbəttə ad tapmaq çətindir. Bunun talançılq, korrupsiya, yoxsa məsuliyyətsizik, israfçılıq olduğunu müvafiq orqanlar müəyyənləşdirməlidi. Hər halda dəyəri milyonlarla ölçülən obyektin, “tender” nəticəsində “su qiymətinə” satılmasının səbəbləri araşdırılmalı və ictimaiyyətə açıqlama verilməlidi.
Ancaq bu günlərdə məlum olub ki, 8-ci kilometr bazarının aqibəti necə deyərlər, toya getməli imiş. Daha dəqiq desək, 312 min manata şükr etmək lazım imiş. Belə ki, “bizimyol.info” nun araşdırması nəticəsində məlum oldu ki, Gəncə Pambıq əyirici müəsisəsinin 6.2 milyonluq əmlakı cəmi 85 min dollara satılıb. Bu dəfə də alıçının adı, ünvanı gizlıdir. Yəni, alan naməlumdur…
Ancaq dövlətin milyonlarla manat dəyəri olan bir müəssəsini bu NAMƏLUM ADAMA 100 dəfələrlə ucuz qiymətə satanlar məlumdur. Oturublar şəhərin mərkəzində- Əmlak Komitəsində. Zəhmət çəkib açıqlama verməlidirlər ki, dövlətin milyonlarla dəyəri olan obyektləri niyə su qiymətinə satılır?

Azpolitika.info